AACH UN KRAACH – Met Aach un Kraach (durch die Naach)

Mer sin die Vürstadtcowboys
han dreckich Stiwwele aan
Wenn mir die Jitar schwinge
Sin dinge Uhre daran
Mer bringe Üch dä Rock
dä Ehr su järn hürt

Met lange Hoor
un em schwazze Hemd
ston mer op dr Bühn
Miestens unjekämmp
Un fiere met Üch
Wie et sich jehührt

Drink dr noch e paar Bier
Jetz jit et glich op die vier
Doför simmer doch hier

Et jeiht met Aach un Kraach durch die Naach
Dat hatts De Dir hück morje nit jedaach
Loss dä Brass ze Hus
Pack dä Paatiedüüvel us
Dann fiere mir bes morje fröh um Aach

Mer sin en Rock ’n’ Roll Band
Mer klinge deck un laut
kumm bei uns bei,
dann häste nit op Sand jebaut
Mer han e Fässche
Stemmung metjebraat

Egal ob Freiluff, Sitzung
oder em Club
Wenn Do die Leedcher hürs
Bes jot drup
Dann weed jedanz
un nimmie lang jeschwaad

Drink dr noch en Schabau
Bütz doch einfach Ding Frau
Jo jetz jiddet Radau

Et jeiht met Aach un Kraach durch die Naach
Dat hatts De Dir hück morje nit jedaach
Loss dä Brass ze Hus
Pack dä Paatiedüüvel us
Dann fiere mir bes morje fröh um Aach

Nemmt üch einfach en de Ärm
Ejal ob rich oder ob ärm
Ejal ob jung oder ob aal
Hück ovend is dat drissejal

Un jetz met Aach un Kraach durch die Naach
Dat hatts De Dir hück morje nit jedaach
Loss dä Stress zo Huus
Holl dä Paatiedüüvel rus
Dann fiere mir bes morje fröh um Aach

Et jeht met Aach un Kraach durch de Naach
Dat hatts De Dir hück morje nit jedaach
Loss dä Brass ze Hus
Pack dä Paatiedüüvel us
Dann fiere mir bes morje fröh um Aach

Aus datenschutzrechtlichen Gründen benötigt YouTube Ihre Einwilligung um geladen zu werden. Mehr Informationen finden Sie unter Datenschutzerklärung.
Akzeptieren
2021-08-25T15:28:15+02:00

Dat kannste deile!

Titel

Nach oben