Jeder kennt et, jeder hätt et schon jehatt
Do sitz zo Huus un bes am üvverläje
Schwingen ich hück minge Popo en de Stadt
Oder brieven ich jetz einfach noch jet lije
Netflix roteet et Sofa es am trecke
Et Bier es köhl, die Chips die schmecke joot
Saach sull ich jetz minge Schweinehunk he wecke
Oder weed jetzt noch en Folje he jeluurt?
Et jeiht em Levve off dodröm
Dat mir Fründe maache
Denn met Fründe is et off nochmol su schön
Et jeiht och manchmal nur dodröm
Sich jet aanzelaache
Dröm sing doch met
un nemmt üch en de Ärm
Ne jode Fründ is met et Beste op dr Welt
Un för Dich do, em Joode un em Schläächte
Un et Beste is hä koss och nit vill Jeld
Bes de em Urlaub, domluurt hä noh em Räächte
Jo, nor die Winniste sin ad jään allein
Denn dä Minsch, hä es en Häädedier
Dröm jangk erus, zor Musik schwing et Bein
Zesamme singe un mer drinke zwei drei Bier
Et jeiht em Levve off dodröm
Dat mir Fründe maache
Denn met Fründe is et off nochmol su schön
Et jeiht och manchmal nur dodröm
Sich jet aanzelaache
Dröm sing doch met
un nemmt üch en de Ärm
nemmt üch en de Ärm
Han mer och spät aanjefange
Hammer lang jemaat
Un irjendwann
Häs Do mich aanjelaach
Us nem schöne Ovend
Weed en schöne Naach
Un villeich jit et noch mieh am nächste Daach
Am nächste Daach
Et jeiht em Levve off dodröm
Dat mir Fründe maache
Denn met Fründe is et off nochmol su schön
Et jeiht och manchmal nur dodröm
Sich jet aanzelaache
Dröm sing doch met
un nemmt üch en de Ärm
Kütt
Teks: Guido Meyer de Voltaire
